Nókis qalası «Doslıq» kanalı boyındaǵı Jaslar maydanshasında «Bes baslama olimpiadası» sheńberinde sporttıń Street Workout túrinen Ózbekstan Respublikası final basqıshı bolıp ótti.

Bul jarısqa elimizdiń barlıq aymaqlarınan eń kúshli sportshılar qatnastı.
Jarıstıń ashılıw máresiminde Qaraqalpaqstan Respublikası Sport ministri E.Qutıbaev, Ózbekstan Respublikası Sport ministrliginiń juwapker wákili D.Shamsutdinovlar qatnasıp, barlıq qatnasıwshılarǵa tabıslar tiledi.
Qızǵın bellesiwlerge bay bolǵan jarıs juwmaǵında, belgilengen tapsırmalardı anıq hám tez orınlawǵa erisken respublikamız wákili S. Yuldashev birinshi orındı iyelewge miyasar boldı.
Al, sıylı ekinshi hám úshinshi orınlar Tashkent hám Xorezm wálayatlarınan D.Turdaliev hám J.Gulimmatovlarǵa nesip etti.

Adilbay Orazov,
Qaraqalpaqstan xabar agentligi sholıwshısı.