Jeneva qalasında Oliy Majlis Senatı Baslıǵı, Adam sawdasına qarsı gúresiw hám múnásip miynet máseleleri boyınsha komissiya baslıǵı Tanzila Norboeva “Better Cotton” xalıqaralıq shólkeminiń bas direktorı Alan Makkley menen ushırastı.

Onda Ózbekstanda “Better Cotton” baǵdarlamasın ámelge asırıw processleri hám bul baǵdardaǵı birge islesiwdi jáne de keńeytiw máseleleri dodalandı.
“Better Cotton” baǵdarlamasınıń tek sertifikatlastırıw quralı emes, al ekologiyalıq, sociallıq hám miynet ámeliyatların jaqsılawǵa xızmet etetuǵın platforma sıpatındaǵı áhmiyetine ayrıqsha itibar berildi.
Baǵdarlamada qatnasıw arqalı Ózbekstan islep shıǵarıwshıları ushın dúnya bazarlarına shıǵıw imkaniyatlarınıń keńeyiwi hám mámlekettiń toqımashılıq ónimleri tarawında juwapkershilikli jetkerip beriwshi sıpatındaǵı abırayı bekkemlenetuǵını atap ótildi.
Ózbekstanda “Better Cotton” baǵdarlaması qamtıp alıwın keńeytiw perspektivaları dodalandı. Búgingi kúnde baǵdarlama derlik 30 mıń tonna paxta shiyki zatın jetistiretuǵın 6 klasterdi qamtıp alǵan.
Tárepler sheriklikti jáne de tereńlestiriwge tayar ekenin bildirdi.

N.Abduraimova,ÓzA