Qıtaylı ilimpazlar tellur nanotolalardan islengen tor perde nanoprotezdi implantaciyalaw arqalı kózi kórmeytuǵın tıshqanlardıń kóriw qábiletin biraz tiklewge eristi. Bul nanoprotez zıyanlanǵan fotoreceptorlardı aylanıp ótip, jaqtılıq signallarin tikkeley kóriw nervine jetkeredi.

Tıshqanlar jáne jaqtılıqqa reakciya kórsete basladı hám ápiwayı súwretlerdi ajırata aldı. Protez infraqızıl nurlardı da qabıl etedi hám sırtqı quwat deregisiz isleydi. Bul bolsa pigmentli retinit hám makulodistrofiya sıyaqlı tor perde kesellikleri menen awırǵan millionlaǵan nawqaslarǵa úmit baǵıshlaydı.

Qaraqalpaqstan xabar agentligi