Máselen, suyılttırılǵan gaz jetkerip beriwde 60-70 kúnge shekem úzilis baqlanbaqta. Ásirese, Ándijan hám Surxandáryada múrájatlardıń 70 procenti usı máselege baylanıslı.
“Íssı kúnlerde gazde sonsha mashqala bolsa, qısta adamlar qazanın nede qaynatadı? Basshılarǵa sońǵı eskertiw: bul máselege eki háptede sheshim tapsın, bolmasa ózi bilip ornın bosatıp qoysın.”
– dedi Prezidentimiz.
Jáne bir másele – jazdıń baslanıwı salıstırmalı salqın keldi. Biraq bunnan keyin kúnler ádewir ısıp, elektrden paydalanıw artadı. Eki ay aldın Energiya nátiyjeliligi agentligi shólkemlestirilip, byudjetten 100 milliard sum berildi.
Energetika ministrligi hám agentlikke ministrlik, hákimlik hám mámleketlik kárxanalardıń aylıq tutınıwı 500 kilovatt saattan joqarı bolǵan xızmetkerlerdiń dizimin qáliplestiredi. Bul xızmetkerlerge energiya únemlewshi texnologiyalarǵa ótiw ushın “jasıl ońlaw” krediti yamasa subsidiya alıwǵa járdem beriledi. Zárúr bolsa, byudjetten tısqarı qorınan ssuda beriliwi múmkin.
Sonıń esabınan jıldıń aqırına shekem tutınıwı joqarı bolǵan keminde 100 mıń shańaraq energiya nátiyjeli sistemaǵa ótiwi zárúr ekenligi kórsetip ótildi.
Qaraqalpaqstan xabar agentligi