Ótken bes ayda mámleketimizde sanaat 6,4 procentke ósti, eksport 18 procentke, sırt el investiciyaları 46 procentke arttı.Bahası 3 milliard dollarlıq 2,5 mıńnan aslam jańa quwatlıqlar iske qosıldı, 2 million 400 mıń adam dáramatlı boldı.

Biraq kúni keshe dúnyada jáne bir kelispewshilikler oshaǵı háwij alǵanı tek Jaqın Shıǵıs emes, al regionımızǵa da óz tásirin kórsetpey qalmaydı. Keskinlesiw dawam etse, pandemiyadan keyin endi tiklenip atırǵan sawda qatnasıqları hám logistika marshrutları qıyınlasadı.
«tınıshlıq, ádillik hám insan qádirin ulıǵlawǵa bolǵan mútájlik hár qashanǵıdan da artıp barmaqta
Sonlıqtan hár bir hákim aymaǵındaǵı, ministrler bolsa tarmaǵındaǵı imkaniyat hám qáwiplerdi aldınnan kóre bilip, proaktiv, yaǵnıy tapsırma kútpesten, ózi baslama kórsetip islewge ótiwi shárt.
Eń áhmiyetlisi, xalıq hám biznes penen qarım-qatnastı jáne de kúsheytip, olar sorap atırǵan máselelerdi tez-tez sheship beriw basshılardıń tiykarǵı wazıypası bolıwı zárúr», – dedi mámleketimiz basshısı.

Qaraqalpaqstan xabar agentligi