Omannıń “Atheer”, “NABD” hám basqa basılımlar betlerinde Ózbekstan Prezidenti Shavkat Mirziyoev Tashkent xalıqaralıq investiciya forumında qatnasıw ushın mámleketimizge kelgen Oman Patshalıǵı sawda, sanaat hám investiciyalarǵa járdem beriw ministri Qays bin Muhammad Al-Yusufti qabıl etkenin sáwlelendirdi.

– Ushırasıw aldında joqarı mártebeli miyman Ózbekstan jetekshisine Oman Patshalıǵı Haysam bin Toriq Ol Saidtiń qızǵın sálemin hám jaqsı tileklerin jetkerip, eki dos mámleket arasındaǵı tereń tuwısqanlıq qatnasıqların ayrıqsha atap ótti, – delinedi maqalada. – Sonday-aq, joqarı mártebeli Mırza futbol boyınsha Ózbekstan milliy saylandı komandasınıń 2026-jılǵı jáhán chempionatına birinshi márte jollamanı qolǵa kirgizgen tariyxıy jeńisi menen qutlıqlap, bul jeńis tek Ózbestan emes, al pútkil Oraylıq Aziya regionı ushın maqtanısh, dep esapladı.
Avtor óz maqalasında Ózbekstan húkimetiniń Oman puqaralarına 30 kúnlik vizasız rejim haqqındaǵı qararı eki mámleket arasındaǵı turizm, mádeniy hám sawda qatnasıqların bekkemlewge xızmet etetuǵın qádem ekenin atap ótken.
Sonday-aq, maqalada ámeliy birge islesiw, bárinen burın, sawda-ekonomika hám investiciya tarawlarında keńeytiw máseleleri, túrli dárejelerdegi jedel sóylesiwler qanaatlanıwshılıq menen atap ótilgen. Qalaberdi, forum sheńberinde Húkimetleraralıq komissiyanıń gezektegi májilisi hám isbilermen toparlarınıń ushırasıwları bolıp ótkenine ayrıqsha áhmiyet qaratılǵan.

M.Pirmatova, ÓzA