Bul haqqında mámleket prezidenti Emmanuel Makron “France 2” telekanalınıń janlı efirinde aytıp ótti.

Onıń atap ótiwinshe, eger Evropa Awqamı bul boyınsha ulıwma qarar qabıl etpese, jaqın aylarda Franciyada bul qadaǵan etiw engiziledi.
Bunnan tısqarı, Makron internet-dúkanlar arqalı pıshaq satıp alıwda tutınıwshılardıń jasın tekseriw sisteması engiziletuǵının málim etti. Atap ótiliwinshe, bul process pornografiyalıq saytlar ushın ámeldegi tekseriw sistemasına uqsas boladı.
Sonday-aq, mámleket basshısı sociallıq tarmaqlar jaslardıń ruwxıy salamatlıǵı hám qáwipsizligine, ásirese, olar basım hám zorlıq mazmunına kóbirek beyim bolǵan jaslar ushın qáwip tuwdıratuǵının atap ótti.
– Biz 15 jasqa shekemgi balalar ushın sociallıq tarmaqlardı qadaǵan etiwimiz kerek, – dedi Franciya jetekshisi. – Jas óspirimler endi internet arqalı pıshaq satıp ala almaydı. Biz buǵan ámel etpegenlerge qatań jaza qollanamız.
Xabarda jazılıwınsha, Franciya prezidenti Nojan-syur-Mar qalasında bir oqıwshınıń mektep xızmetkerine pıshaq penen hújim qılǵanı sebepli usınday bildiriw bergen. Sonda oqıwshı mektep xızmetkerine pıshaq penen hújim etken hám onı jaraqatlaǵan. Soń hayal alǵan jaraqatları sebepli qaytıs bolǵan edi.

Qaraqalpaqstan xabar agentligi