Húkimet qararı menen “Fizikalıq shaxslar tárepinen dizimge alınǵan suw xojalıǵı tarawındaǵı huqıqbuzarlıqlar haqqındaǵı fotosúwretler hám (yaki) videojazıwlardı qabıl etiw, kórip shıǵıw hám olardı usınǵan shaxslardı xoshametlew tártibi haqqında”ǵı reje tastıyıqlandı.

Reje Hákimshilik juwapkershilik haqqındaǵı kodekstiń 74-statyası 2-bóliminde názerde tutılǵan hákimshilik huqıqbuzarlıqlarǵa qollanıladı.
Shaxslar huqıqbuzarlıqtı videotexnika quralları arqalı dizimge alıp, 48 saat ishinde Suw xojalıǵı ministrligi janındaǵı Suw xojalıǵı obektleri qáwipsizligin hám suwdan paydalanıwdı qadaǵalaw inspekciyasına (Inspekciya) “v-nadzor.gov .uz” veb-saytı arqalı jiberedi.
Foto hám videomateriallarda tómendegiler sáwlelendiriliwi kerek:
– júz bergen huqıqbuzarlıq;
– huqıqbuzarlıqtı islegen shaxs haqqındaǵı maǵlıwmatlar (eger bar bolsa);
– huqıqbuzarlıq júz bergen mánzil, anıqlanǵan sáne hám waqıt.
Qaǵıyda sıpatında, foto hám videomateriallardıń dawamlılıǵı 120 sekundtan aspawı kerek.
Foto hám videomateriallar 10 kún múddette Inspekciyanıń juwapker xızmetkeri tárepinen kórip shıǵıladı.
Huqıqbuzarlıq 1-márte júz bergen bolsa, huqıqbuzarǵa suwdan paydalanıw hám suw tutınıw tártibi (qaǵıydaları) n qayta buzılıwınıń aldın alıwǵa qaratılǵan usınıslar jiberiledi.
Hákimshilik jaza sharası qollanılǵannan keyin 1 jıl dawamında huqıqbuzarlıq qaytadan islengen jaǵdayda, Hákimshilik juwapkershilik haqqındaǵı kodekstiń tiyisli statyalarında názerde tutılǵan muǵdarlarda járiyma salıwǵa sebep boladı.
Foto hám videomateriallardı jibergen shaxslar huqıqbuzıwshıdan óndirilgen járiyma esabınan BEMniń 25 procenti muǵdarında aqshalay sıylıq penen xoshametlenedi.
Sıylıqlaw járiyma óndirilgen kúnnen baslap 15 kún múddette ámelge asırıladı.

ÓzA