Sociallıq tarmaqlarda elimizde Koksaki virusınıń tarqalıp atırǵanı haqqında xabarlar tarqalıp, jámiyetshiliktiń dodalawlarına sebep boldı.

Sanitariya-epidemiologiya komitetine bola, Ózbekstanda bul kesellikti keltirip shıǵaratuǵın virus waqtı-waqtı menen dizimge alınadı. Biraq elimizde bul kesellik keń kólemde tarqaldı, degen pikirge keliw ushın tiykar joq.
Áhmiyetlisi, Koksaki virusı ushın arnawlı emlew protokolları bar hám kesellik hesh qanday asqınıwlarsız tolıq táwir bolıp ketedi.
Solay bolsa da, hesh qashan, ózbasımshalıq penen nawqasqa bakteriya hám virusqa qarsı preparatlardı beriw kerek emes. Sebebi, Koksaki virusına bul dári quralları ulıwma tásir etpeydi. Eger balada klinikalıq belgiler payda bolıp, olar awırlaw ótip atırǵan bolsa, ol jaǵdayda medicina xızmetkerlerine múrájat etiw hám specifikalıq emlew ilajların kóriw maqsetke muwapıq.

Qaraqalpaqstan xabar agentligi