Ózbekstan Saӯda-sanaat palatası Qaraqalpaqstan Respublikası basqarması, Germaniya xalıqaralıq birge islesiw jámiyeti (GIZ) hám Karaqalpaqstan Respublikası Ministrler Keńesiniń grant bólimi menen birgelikte Germaniya federal ministrliginiń «Developpp» baǵdarlaması boyınsha isbilermenler ushın seminar-ushırasıӯ shólkemlestirildi.

Seminarda GIZ tárepinen biznes sektordı qollap-quӯatlaӯ boyınsha ámelge asırılıp atırǵan jumıslar, grant baǵdarlamasına qatnasıӯ shártleri haqqında keń turde túsinikler berildi.
«Developpp» birgeliktegi qarjılandırıw baǵdarlamasınıń tiykarǵı maqseti – Germaniya hám Ózbekstan sanaat kárxanaları arasında birge islesiwdi jolǵa qoyıӯdan ibarat.
Baǵdarlamanıń tiykarǵı baǵdarları:
– 2 million Evroǵa shekem texnikalıq hám finanslıq járdem:
– baǵdarlama tárepinen 50% ke shekem birgelikte qarjılandırıw:
– «developpp» ekspert keńesi járdemi.
Seminar-ushırasıӯ nátiyjesinde Karaqalpaqstanlı isbilermenlerge grant alıӯ boyınsha keńesler berildi, usınday grantlardan utımlı paydalanıp, biznesin rawajlandırıw boyınsha pikir-usınıslar bildirildi.

Qaraqalpaqstan xabar agentligi