Qaraózek rayonı hákimligi májilisler zalında rayon aymaǵında jaqında saylanǵan 13 ózin-ózi basqarıw uyımları baslıqlarına rásmiy túrde xızmet gúwalıǵı hám kókirek belgisin tapsırıw máresimi bolıp ótti.

Ilajǵa rayon hákimi A. Baymuratov hám máhálle belsendileri qatnastı.
Máresimde rayon hákimi jańadan saylanǵan mákan puqaralar jıyınları basshılarına óz wazıypaların pidayılıq penen atqarıw, xalıqtıń mashqalaların úyrenip, olardı sheshiwde nátiyjeli jumıs alıp barıwı zárúrligin atap ótti.
Óz gezeginde, máhálle baslıqları kórsetilip atırǵan joqarı itibar ushın mámleketimiz basshısına hám rayon hákimligine tereń minnetdarshılıq bildirdi.
Sonday-aq, ilajda máhálle baslıqlarınıń nátiyjeli jumıs alıp barıwı hám olarǵa qolaylıqlar jaratıw maqsetinde mobil planshetlerde tapsırıldı.
Ilajǵa Qaraqalpaqstan Respublikası Joqarǵı Keńesiniń komitet baslıǵı Sh. Ótemisov qatnastı.

Adilbay Orazov,
Qaraqalpaqstan xabar agentligi sholıwshısı.