Usı jıl 10-iyunnan baslap 2025-2026-oqıw jılı ushın akademiyalıq liceylerge ulıwma bilimlendiriw mektepleriniń 9-klass pitkeriwshilerinen hújjetlerdi my.edu.uz (https://my.edu.uz/) portalı arqalı onlayn qabıllaw baslandı.

Abiturientler dizimnen ótiw procesinde sistemaǵa ID karta yaki tuwılǵanlıǵı haqqında gúwalıq maǵlıwmatların kirgiziw menen birge tómendegi hújjetlerdi elektron túrde (DF, JPEG) júklewleri múmkin:
3,5×4,5 sm ólshemdegi 1 reńli súwret;
Oqıwǵa jeńillik penen kiriw huqıqın beriwshi hújjetler –pán olimpiadası jeńimpazı ekenin tastıyıqlawshı diplom, shet tili hám ulıwma bilimlendiriw pánlerin biliw dárejesi haqqındaǵı milliy yaki xalıqaralıq sertifikat (bar bolsa).
Abiturientler dizimnen ótiwde ózleri tańlaǵan úshke shekem akademiyalıq liceydiń birewden sáykes baǵdarın tańlawı (onda bilimlendiriw tili birdey bolıwı kerek). Sonday-aq, qaysı shet tilinen kiriw test sınaǵın tapsırıwın belgileydi.
Abiturient ózi tańlaǵan aymaqta shólkemlestiriletuǵın kiriw test sınaqlarında qatnasadı.
Qabıllaw processleri 10-iyulge shekem (sol kúni de) dawam etedi. Qabıllaw processlerine baylanıslı qosımsha maǵlıwmatlardı akademiyalıq liceylerde shólkemlestirilgen “Masláhát orayları” yaki Ministrliktiń @eduuzuniversal (https://t.me/eduuzuniversal) botı arqalı alıw múmkin.

ÓzA