Usı kúnlerde Iran Milliy paralimpiya komitetiniń baslıǵı Ǵafur Karegari hám komitet basshılıǵınıń wákilleri – Said Solgi hám Hasan Solgi ámeliy sapar menen Tashkentte bolıp tur. Mártebeli miymanlar menen paytaxtımızda túrli dárejedegi ushırasıwlar shólkemlestirilmekte.

Atap aytqanda, Ózbekstan sport ministrliginde Ózbekstan Milliy paralimpiya komitetiniń baslıǵı Muxtarxan Toshxwjaev, sport ministriniń orınbasarı Murad Ismoilov hám Iran Paralimpiya komitetiniń prezidenti Ǵafur Karegari qatnasıwında rásmiy ushırasıw bolıp ótti.
Onda elimizde para sporttı rawajlandırıw baǵdarında alıp barılıp atırǵan reformalar, para sportshılarımız erisip atırǵan jetiskenlikler jáne bir márte atap ótildi. Iranda parasporttı rawajlandırıw jolında ámelge asırılıp atırǵan jumıslar, jetiskenlikler hám bul tarawǵa qaratılıp atırǵan itibar haqqında da maǵlıwmat berildi. Sonday-aq, eki mámleket arasında para sport tarawındaǵı baylanıslardı kúsheytiw, óz-ara tájiriybe almasıw hám birgelikte oqıw-shınıǵıw jıyınların ótkeriw boyınsha kelisim ámelge asırıldı.
Sonday-aq, Iran Milliy Paralimpiya komiteti delegaciyası paytaxtımızdaǵı Respublikalıq Olimpiya hám Paralimpiya sport túrlerine tayarlaw orayınıń jumısın úyrendi. Delegaciya oraydaǵı sport obektleri, ol jerde para sportshılarǵa jaratılǵan sharayatlar, saylandı komandalardıń bolajaq Paralimpiya oyınlarına tayarlıq cikli sheńberindegi rejeler dodalandı.
Atap aytqanda, mártebeli miymanlar qurılıs jumısları juwmaqlanıp atırǵan «Olimpiya qalashası»na barıp, sport imaratları, miymanxana hám jataqxanalar menen tanıstı hám «Hastimam» medresesin zıyarat etti.

Javohir Toshxwjaev, ÓzA