Elimizde mámleketimiz basshısınıń baslaması menen jolǵa qoyılǵan “Áhmiyetli 90 kún” joybarı sheńberinde jaslardıń bos waqtın mazmunlı ótkeriw, olardı salamatlandırıw, kásip-ónerge baǵdarlaw, bilimlendiriw shólkemleri arasında jaz aylarında birgelikte jedel jumıs alıp barıw tiykarǵı wazıypa sıpatında belgilengen.

Usı maqsette, bul joybar sistemasında “Studentlerdiń kibersport oyınları – 2025” respublika chempionatı ótkeriliwi járiyalandı.
Oǵan bola, Ózbekstan Respublikası Joqarı bilimlendiriw, ilim hám innovaciyalar ministrligi hám birge islesiwshi shólkemler, hákimlikler menen birgelikte “Studentlerdiń kibersport oyınları – 2025” respublikalıq chempionatınıń baǵdarlaması tastıyıqlandı.
“Studentlerdiń kibersport oyınları – 2025” jarısları “Dota2”, “CS2”, “FC25” oyınları hám “Just Dance” fijital ayaq-oyın boyınsha 3 basqıshta shólkemlestiriliwi názerde tutılǵan.
1-basqısh 9-14-iyun kúnleri respublikamızdaǵı barlıq joqarı bilimlendiriw mákemelerinde shólkemlestirilse, 2-aymaqlıq basqısh 16-21-iyun kúnleri ótkerilip, onda jeńiske erisken komandalar 23-25-iyun kúnleri Ferǵana wálayatında shólkemlestiriletuǵın final basqıshında kúsh sınasadı.
Jaslardıń intellektuallıq potencialın arttırıwǵa qaratılǵan bul jarıslarda múnásip qatnasqan talantlı jaslar elimizdiń saylandı komandalarına tartıladı.
Esletip ótemiz, “Studentlerdiń kibersport oyınları – 2025”tiń respublikalıq basqıshı jeńimpazları tiyisli dárejedegi diplom hám medallar menen sıylıqlanadı. Sonday-aq, jarıslarda sıylı orınlardı iyelegenlerge aqshalay sıylıqlar tapsırıladı.

Twlqin RWZIEV,
ÓzA