9-iyun kúni Prezident baspasóz xatkeri Sherzod Asadov ǵalaba xabar qurallarınıń wákilleri ushın birfing ótkerdi.

-Usı háptede mámleketimizdiń sırtqı siyasiy hám ekonomikalıq turmısında áhmiyetli waqıyalar oǵada kóp. Prezidentimiz Shavkat Mirziyoev Slovakiya Respublikasınıń Bas ministri Robert Fico menen sóylesiwler ótkerdi. Ózbekstan menen Slovakiya arasındaǵı qatnasıqlar strategiyalıq sheriklik dárejesine kóterildi. Erteń mámleketimiz basshısı Bolgariya Respublikası Prezidenti Rumen Radev penen sóylesiwler ótkeredi. Búgin Tashkent xalıqaralıq investiciya forumı óz jumısın baslaydı. Onda 8 mıń delegat, sonıń ishinde, 100 ge shamalas mámleketten 3 mıńǵa shamalas sırt elli miyman qatnasıwı kútilmekte, – dedi Sherzod Asadov.
Sonıń ishinde, Bolgariya Prezidenti Rumen Radev, Slovakiya Bas ministri Robert Fico, Qazaqstan Bas ministri Oljas Bektenov, Qırǵızstan Ministrler Kabinetiniń baslıǵı – Prezident Administraciyasınıń basshısı Adilbek Kasimaliev, Tájikstan Bas ministri Qohir Rasulzada, Ázerbayjan Bas ministri Ali Asadov, Túrkmenstan Ministrler Kabineti baslıǵınıń orınbasarı Nokerguli Ataguliev, sonday-aq, Evropada qáwipsizlik hám birge islesiw shólkeminiń ámeldegi baslıǵı, Finlyandiya sırtqı isler ministri Elina Valtonen, Evropa tikleniw hám rawajlanıw bankiniń prezidenti Odil Reno-Basso, BRIKS Jańa rawajlanıw bankiniń prezidenti Dilma Rusef hám basqalar qatnasadı.
– Forumda Prezidentimiz Shavkat Mirziyoev qatnasıp, shıǵıp sóyleydi. Mámleketimiz basshısı globallıq qáwipsizlik shaqırıqlarınıń dúnya ekonomikasına ótkerip atırǵan tásir tendenciyaların esapqa alıp, birge islesiwdiń tiykarǵı principleri hám Ózbekstannıń sawda-ekonomikalıq hám investiciyalıq baǵdarlamasınıń tiykarǵı baǵdarları boyınsha óz pikirlerin bildiredi.
– forum sheńberinde birinshi márte Milliy kórgizbe bolıp ótedi.
– 11-iyun kúni Ózbekstan Respublikası Prezidenti janındaǵı Sırt el investorları keńesiniń 3-jalpı májilisi bolıp ótedi.

ÓzA