Nókis qalasında “Jańa Ózbekstan Olimpiada shoqqıları” sport jarıslarınıń stol tennisi túri boyınsha regionallıq basqıshı dawam etpekte.

Nókis qalalıq 2-sanlı sport mektebinde sporttıń usı túri boyınsha aymaqlıq basqısh bellesiwleri bolıp ótti.
Jarısta Ámiwdárya, Taqıyatas, Xojeli rayonları hám Nókis qalasınıń 15-17 jas kategoriyasındaǵı qábiletli sporshıları óz-ara bellesti.
Ilajda Qaraqalpaqstan Respublikası salıq basqarmasınıń baslıǵı X.Bekchanov, Ózbekstan stol tennisi federaciyasınıń stol tennisin ǵalaba en jaydırıw direktorı A.Meliziyaev, Qaraqalpaqstan Respublikası Sport ministri E.Qutıbaev hám bir qatar juwapkerler, sportshı jaslar hám trenerler qatnastı.
Jeńimpazlar Qaraqalpaqstan Respublikası basqıshında, onnan keyin Ózbekstan Respublikası basqıshında qatnasıw imkaniyatın qolǵa kirgizip, elimiz sportınıń eń abıraylı saxnası esaplanǵan “Prezident Olimpiadası”nda qatnasıw imkaniyatına iye boladı. Jarıs juwmaǵında jeńimpazlarǵa diplom hám bahalı sawǵalar tapsırıldı.

Qaraqalpaqstan xabar agentligi.