“Dawıt-ata” shegara bajıxana postında bajıxana tólemlerinen qashıw maqsetinde tovarlardıń basqa tovar ataması astında alıp kiriliwiniń aldı alındı.

Usı postqa kirip kelgen júk avtotransport quralı bajıxana qadaǵalawınan ótkerilgeninde, barlıq tovar hújjetlerde kórsetilgenindey, “maydalanǵan kishmish” tovarı emes eken. Bul tovarlardıń arasında bajıxana qadaǵalawınan jasırılǵan 244 qapta jámi salmaǵı 7076 kg. sút qusqunjıǵınıń (rastoropsha) tuqımı bar ekenligi anıqlandı.
Tap usınday jáne bir jaǵdayda, usı postqa kirip kelgen júk avtotransport quralında da tovardan 242 qaltası basqa túrdegi tovarǵa “almasıp” qalǵanlıǵı jaǵdayı anıqlandı.
“Zıǵır tuqımı” tovarı arasına 11,1 tonna salmaqtaǵı “keptirilgen nut” tovarın jasırıp mámleketimiz aymaǵına alıp kirmekshi bolǵanında, toqtatıp qalındı.
Anıqlanǵan bul eki jaǵdayda derlik 400 million sumlıq tovarlar waqtınsha saqlawǵa alındı.
Bul jaǵday boyınsha bajıxana uyımları tárepinen tergewge shekem tekseriw háreketleri alıp barılmaqta.

Qaraqalpaqstan xabar agentligi