Bes mámleket eki jıl múddetke BMSh Qáwipsizlik keńesiniń aǵzalıǵına qabıl etildi. Olar: Baxreyn, Kongo DR, Kolumbiya, Liberiya hám Latviya.

Bul mámleketler 2026-jıldıń 1-yanvarınan keńeste óz orınların iyelep, 2027-jıldıń 31-dekabrine shekem jumıs isleydi.
Xabarǵa bola, Latviya birinshi márte Qáwipsizlik keńesiniń waqtınsha aǵzalıǵına saylandı.
Jańa aǵzalar Aljir, Gayana, Qubla Koreya, Serra-Leone hám Sloveniyanıń ornın iyeleydi.
Maǵlıwmat ushın: BMSh Qáwipsizlik keńesiniń aǵzaları ulıwma 15. Keńestiń hár bir aǵzası birewden dawısqa iye. BMShqa aǵza mámleketler XK qararlarına boysınıwı hám orınlawı shárt. Qáwipsizlik keńesiniń hár bir aǵzası gezek penen bir aydan Keńeske basshılıq etedi.

Qaraqalpaqstan xabar agentligi