Basılımda tiykarǵı itibar Ózbekstannıń tariyxıy, mádeniy hám ekonomikalıq imkaniyatlarınıń úylesimliligi, zamanagóy rawajlanıw jolı, Qıtay menen sawda-ekonomikalıq baylanıslarǵa qaratılǵan.

Sonday-aq, onda Ózbekstan Prezidenti Shavkat Mirziyoevtiń “Qıtay-Qırǵızstan-Ózbekstan” temir jolı qurılısı joybarınıń iske qosılıwına baǵıshlanǵan saltanatlı máresim qatnasıwshılarına jollaǵan múrájatınıń teksti járiyalanǵan.
Jurnal betlerinde Ózbekstan tárepinen alǵa qoyılıp atırǵan ekologiyalıq baslamalar, klimat ózgeriwiniń unamsız aqıbetleri, ásirese, global ıssılıq, tábiyǵıy apatshılıqlar hám ekologiyalıq mashqalalarǵa qarsı gúresiw sıyaqlı máseleler keńnen sáwlelendirilgen. Onda “Jasıl mákan” ulıwma milliy joybarı, Aral teńizi apatshılıǵınıń aqıbetlerin jumsartıw, suwdı únemlew texnologiyaların engiziw hám “jasıl” energetikanı rawajlandırıwǵa qaratılǵan háreketler ayrıqsha atap ótilgen.
Usı sanda “Rawajlanıw strategiyası” orayınıń atqarıwshı direktorı Eldor Tulyakovtıń “Ózbekstan – 2030” strategiyasın ámelge asırıw sheńberinde 2025-jılǵa mólsherlengen Mámleketlik baǵdarlamanıń áhmiyetine baǵıshlanǵan maqalası da járiyalandı.
Maqalada Mámleketlik baǵdarlamanı islep shıǵıwdaǵı ashıq-aydınlıq hám jámiyetshilik dodalawları, sonday-aq, xalıqtıń turmıs dárejesin arttırıw, jasıl ekonomikanı rawajlandırıw, sırt el investiciyaların tartıw, bilimlendiriw hám densawlıqtı saqlaw tarawlarındaǵı reformalar jáne kámbaǵallıqtı qısqartıwǵa qaratılǵan ámeliy ilajlar hár tárepleme sáwlelendirilgen, delinedi “Rawajlanıw strategiyası” orayınıń maǵlıwmatında.
Sonday-aq, jurnalda jaslar siyasatı hám bilimlendiriw reformaları, jas áwladqa investiciya kirgiziw hám global bilimlendiriw standartlarına erisiw baǵdarında Ózbekstannıń isenimli qádemleri sáwlelendirilgen.
Ulıwma alǵanda, “Lookwe” jurnalınıń Ózbekstanǵa baǵıshlanǵan arnawlı sanı – mámleketimizdiń xalıqaralıq maydandaǵı ornın bekkemlew, onıń ekonomikalıq, sociallıq hám ekologiyalıq joybarların sırt elli sheriklerge jetkeriwde áhmiyetli rol atqaradı.

A.Rustamov, ÓzA