“Toburo” liberal-demokratiyalıq partiyasınan talaban Li CHje Myon Qubla Koreyanıń jańa prezidenti etip saylandı. Oǵan saylawshılardıń derlik 49 procenti dawıs berdi.

61 jastaǵı Li kámbaǵal diyqan shańaraǵında tuwılǵan bolıp, huqıqtanıw boyınsha bilim alǵan. Ol 2010-2017-jılları Sonnam qalasın, 2018-2021-jılları bolsa Kyongido provinciyasın basqarǵan. 2022-jılǵı prezidentlik saylawlarında ol Yun Sok Yoldan 1 procentten azlaw ayırmashılıq penen jeńilgen.
2024-jıl yanvar ayında Li pıshaq penen islengen hújimnen aman qaldı (videoda), sonday-aq, ol bes jınayıy is, sonıń ishinde, korrupciya hám Arqa Koreyaǵa pul ótkeriwge baylanıslı islerde ayıplanǵan.
Esletip ótemiz, bul retki prezidentlik saylawı Yun Sok Yolǵa qarsı járiyalanǵan impichmentten soń ótkerildi.

Qaraqalpaqstan xabar agentligi