“Jasıl mákan” ulıwma milliy joybarı sheńberinde hám toǵaylardı basqarıw sistemasında reformalardı izbe-iz dawam ettiriw, jasıl aymaqlardı keńeytiw ilajları haqqında”ǵı Prezident Pármanı (PP-90-sanlı, 30.05.2025 j.) qabıl etildi.

– Pármanǵa muwapıq, terek hám puta nálleriniń kógerip shıǵıwı, ósiwi, kesellik hám zıyankeslerge shıdamlılıǵın arttırıwdıń maqsetli kórsetkishleri etip 2026-jıl 1-yanvardan baslap tómendegiler belgilendi:
– tuqımgershilik laboratoriyalarında respublika aymaqlarınıń klimat sharayatına sáykes ósimlik túrlerinen analıq plantaciyaların shólkemlestiriw;
– mámleketlik toǵay xojalıqları tárepinen jetkerip berilip atırǵan náller kólemin 2 esege arttırıw.
– 2025-jıl 1-oktyabrden baslap “Jasıl mákan” ulıwma milliy joybarın ámelge asırıwda jámietshiliktiń qatnasın arttırıw, “Jasıl mákan” elektron platformasında ashıq-aydınlıqtı támiyinlew hám sanlastırıwǵa qaratılǵan tómendegi mexanizmler engiziledi:
– xalıqtıń baslaması menen terek egiliwi múmkin bolǵan anıq aymaq, suw támiynatı, keyin ala ósiriw imkaniyatı hám tereklerdiń túrlerin kórsetiw;
– toǵay fondına kirmeytuǵın terek hám putalardıń bahalı sortların nızamǵa qayshı túrde kesken yamasa joq etken shaxslar tárepinen kompensaciya sıpatında egilgen terek hám puta nálleriniń esabın júrgiziw sistemasın engiziw.
– 2025-jıl 1-noyabrden baslap toǵay fondı jer maydanları ayrıqsha qorǵaladı hám olardıń kategoriyasın ózgertiw Ózbekstan Respublikası Prezidentiniń qararına muwapıq ámelge asırıladı.

Qaraqalpaqstan xabar agentligi