Taxtakópir rayonında sporttıń futbol hám kishi futbol túri boyınsha jaslar arasında ótkerilgen «Ózbekstan Respublikası Mámleketlik qáwipsizlik xızmeti kubogi» jeńimpazların sıylıqlaw máresimi bolıp ótti.

Ilajǵa rayon hákimi J.Adilov, Mámleketlik qáwipsizlik xızmeti rayonlıq bólimi xızmetkerleri, mákeme, shólkem basshıları hám sportshı-jaslar qatnastı.
Sıylıqlaw keshesinde sózge shıqqanlar jeńimpazlardı qutlıqlap, bul ilajlar aymaqlarda jaslardıń salamatlıǵın arttırıw hám olardı ǵalaba túrde sportqa qamtıw maqsetinde ótkerilip atırǵanlıǵın atap ótti.
Máresimde jeńimpaz komandalar hám hár qıylı nominaciyalar boyınsha eń kúshli dep tabılǵan futbolshılar shólkemlestiriwshiler tárepinen múnásip túrde sıylıqlandı.
Ilaj rayonlıq Mádeniyat bólimi hám respublikamız estrada juldızlarınıń atqarıwındaǵı koncert baǵdarlaması menen dawam etti.

Qaraqalpaqstan xabar agentligi