Búgingi kúnde jasalma intellekt imkaniyatı sheklengen insanlarǵa da kóplegen múmkinshilikler jaratpaqta. Mısal ushın, kózi ázzi insanlar paydalanıwı ushın dawıslı qollanbalar, yaǵnıy audiokitaplar jaratılmaqta. Esitiw boyınsha nuqsanı barlar ushın da túrli qosımshalar usınıs etilmekte.

Bul baǵdarda Qıtayda ótkerilgen “Huawei ICT Competition” global tańlawında Muhammad al-Xorezmiy atındaǵı Tashkent málimleme texnologiyaları universiteti studenleriniń jámááti óziniń “Sahiya” – SI tiykarındaǵı esitiw qábileti tómen adamlar ushın mólsherlengen intellektuallıq qosımshanı usınıs etti.
Bul qosımsha arqalı ózbekstanlı jaslar tańlawda úshinshi orındı iyeledi.
Bunnan tısqarı Baxreyn, Irak, Qazaqstan, Livan, Pakistan hám Saudiya Arabstanı sıyaqlı mámleketlerdiń jámáátleri «Tarmaqlar», «Bulıt», «Esaplaw» hám «Innovaciyalar» sıyaqlı jarıs baǵdarlarında kóplegen sıylıqlarǵa iye boldı.
Jaslar ózleriniń aldınǵı sheberligin kórsetiw arqalı regiondaǵı sanlı bilimleriniń jedel rawajlanıwın tastıyıqladı.

N.Rahmonova, ÓzA