Tashkent qalasında ótip atırǵan «Tashkent Law Spring – 2025» IV xalıqaralıq yuridikalıq forumı sheńberinde Respublikalıq sud ekspertizası orayında «Sud ekspertizasında jańa texnologiyalıq sheshimler» temasında arnawlı sessiya shólkemlestirildi.

Oǵan Rossiya, Polsha, Ázerbayjan, Qazaqstan, Gruziya hám Túrkiya sıyaqlı mámleketlerdiń sud-ekspertiza mákemeleriniń basshıları hám qánigeleri qatnastı. Sessiyada, sonday-aq, Ózbekstandaǵı barlıq mámleketlik hám mámleketlik emes sud-ekspertiza mákemeleri, sud hám huqıq qorǵaw uyımlarınıń wákilleri de qatnastı.
Sessiya dawamında sud ekspertizası tarawınıń áhmiyetli máseleleri dodalandı, birge islesiw baǵdarları boyınsha usınıslar bildirildi.
Sonday-aq, qatnasıwshılar Ózbekstanda sud ekspertizasın rawajlandırıw baǵdarında ámelge asırılıp atırǵan jumıslar, sonıń ishinde, NGS texnologiyaları tiykarında DNK analizi, sud-tergew uyımları arasında «E-ekspertiza» málimleme sisteması arqalı jolǵa qoyılǵan birge islesiw hám 500 den aslam metodikalarda islengen jańalıqlar menen tanıstırıldı.
X.Sulaymanova atındaǵı Respublikalıq sud-ekspertiza orayınıń ISO-17025 xalıqaralıq sertifikatın qolǵa kirgizgeni de ayrıqsha atap ótildi.
Bunnan tısqarı, sessiya sheńberinde sud ekspertleri ushın sırt elli qánigelerdiń qatnasıwında «Sanlı sud ekspertizasınıń jańa tendenciyaları» temasında master-klass hám dógerek sáwbetleri de ótkerilip, qatnasıwshılar óz-ara tájiriybe almasıdı.

Umidjon Qurbonov, ÓzA