Prezidentimiz tárepinen mámleketimizde jol-transport infrastrukturasın rawajlandırıw, xalıq ushın qáwipsiz hám qolaylı jol sharayatların jaratıw, eń baslısı, xalqımızdıń abadanlıǵın támiyinlew jolında keń kólemli reformalar ámelge asırılmaqta.

Atap aytqanda, Nókis qalası aymaǵınan ótetuǵın 95 V025 “Nókis qalası. – D 232 avtomobil jolı (4 km) – Taqıyatas suw bólistirgish” avtomobil jolınıń 5-7 kilometr aralıǵında asfalt qaplamasında payda bolǵan kemshiliklerdi saplastırıw jumısları alıp barılmaqta. Bul processte jol frezası járdeminde góne qatlam kesip alınıp, ornına jańadan asfalt tóselip atır.
Ońlaw jumısları Qarataw Jollardan turaqlı paydalanıw mámleketlik shólkemi tárepinen ámelge asırılıp, oǵan jámi 6 arnawlı texnika hám 12 jumısshı tartılǵan.
Bunday ámeliy jumıslar jol háreketi qatnasıwshılarına qolaylıq jaratıw, transport qatnawın qáwipsiz hám úzliksiz támiyinlew, eń áhmiyetlisi, xalıqtıń kúndelikli turmısın jeńilletiw ushın xızmet eteri sózsiz.

Qaraqalpaqstan xabar agentligi