Ózbekstan Respublikası Mektepke shekemgi hám mektep bilimlendiriwi ministriniń 2025-jıl 17-marttaǵı «Mektepke shekemgi bilimlendiriw shólkemleriniń pedagog xızmetkerleri hám tárbiyalanıwshıları arasında tańlawlar, festivallar hám jarıslardı shólkemlestiriw haqqında»ǵı 86-sanlı buyrıǵın orınlaw maqsetinde, mektepke shekemgi bilimlendiriw shólkemleri tárbiyalanıwshıları arasında «Gimnastikaǵa dáslepki qádem» atamasında jarıstıń Qaraqalpaqstan Respublikalıq basqıshı ótkerildi.

Jarısqa respublikamızdıń barlıq aymaqlarınan kishkene gimnastikashılar qatnastı hám olardıń shıǵıwları tájiriybeli tóreshiler quramı tárepinen múnásip túrde bahalanıp barıldı.
Qızıqlı ótken jarıs juwmaǵında, ul balalar arasında Qońırat rayonı 19-sanlı mektepke shekemgi bilimlendiriw shólkemi tárbiyalanıwshısı Humayun Baxıtov birinshi, Taxtakópir rayonı 1-sanlı mektepke shekemgi bilimlendiriw shólkemi tárbiyalanıwshısı Zuratdin Nuratdinov ekinshi hám Kegeyli rayonı 7-sanlı mektepke shekemgi bilimlendiriw shólkemi tárbiyalanıwshısı Baxawatdin Tajetdinov sıylı úshinshi orınlardı iyelewge miyasar boldı.
Al, qızlar arasında bolsa, Qońırat rayonı 25-sanlı mektepke shekemgi bilimlendiriw shólkemi tárbiyalanıwshısı Janerke Qdırbaeva birinshi, Kegeyli rayonı 2-sanlı mektepke shekemgi bilimlendiriw shólkemi tárbiyalanıwshısı Uldariy Jumamuratova ekinshi hám Xojeli rayonı 5-sanlı mektepke shekemgi bilimlendiriw shólkemi tárbiyalanıwshısı Dilshada Saparniyazovalar úshinshi orınlardı iyelewge eristi. Jeńimpazlarımız jarıs shólkemlestiriwshileri tárepinen diplom hám estelik sawǵaları menen sıylıqlandı.

Adilbay Orazov,
Qaraqalpaqstan xabar agentligi sholıwshısı