2025-jıldıń may-iyun aylarında Qaraqalpaqstan Respublikası, wálayatlar hám Tashkent qalasında “Progress, mádeniyat hám aǵartıwshılıq” temasında “Aǵartıwshılıq kárwanı” atamasında ilimiy-aǵartıwshılıq hám mádeniy úgit-násiyatlaw ilajları bolıp ótedi.

Bul ilajlar Ózbekstandaǵı Islam civilizaciyası orayı, Respublikalıq Ruwxıy-aǵartıwshılıq orayı, Ózbekstan Respublikası Ilimler akademiyası, Joqarı bilimlendiriw, ilim hám innovaciyalar ministrligi, “Maripat” úgit-násiyatshılar jámiyeti hám basqa da birge islesiwshi shólkemler menen birgelikte shólkemlestiriledi.
Respublika Ruwxıylıq hám aǵartıwshılıq orayınıń málim etiwinshe, “Máripat kárwanı” sheńberinde tómendegi ilajlar rejelestirilgen:
– “Civilizaciyalar – Insanlar – Oylap tabıwlar” ideyası tiykarında ilimpazlar tárepinen tayarlanıp atırǵan ilimiy-innovaciyalıq joybarlardıń prezentaciyaları, ámeliy seminar hám treningler;
– “Jańa Ózbekstan – Jańa Renessans” temasında konferenciyalar, forum hám ánjumanlar;
– ullı ata-babalarımızdıń bay mádeniy miyrasın ǵalaba en jaydırıw maqsetinde “Tiri tariyx” joybarı sheńberinde kinodóretiwshilerdiń qatnasıwında milliy filmlerdiń kórsetiliwi;
– sonday-aq, basqa da hár qıylı ilimiy, innovaciyalıq hám sociallıq joybarlar da ótkeriledi.
“Aǵartıwshılıq kárwanı” – mámleket zıyalıları ushın birden-bir ilimiy-aǵartıwshılıq platforma bolıp xızmet etedi,” delinedi oraydıń xabarında.
Qosımsha maǵlıwmatlar ushın 71 207-57-00 telefon nomerine qońıraw etiw soralǵan.

ÓzA