Ózbekstan Respublikası Prezidentiniń 2024-jıl 28-noyabr kúngi ótkerilgen videoselektor májilisinde Qaraqalpaqstan Respublikası hám wálayatlarda organikalıq ónim jetistiriwshi jer maydanların jáne de kóbeytiw wazıypası qoyılǵan edi.

Usı tapsırmadan kelip shıǵıp, Qaraqalpaqstan Respublikası Ósimlikler karantini hám qorǵaw agentligi hám Respublika agroximiyalıq analiz orayı Germaniyanıń xalıqaralıq birge islesiw jámiyeti (GIZ) menen birgelikte Qaraqalpaqstanda organikalıq ónim jetistiriw imkaniyatların úyreniw maqsetinde Respublika agroximiyalıq analiz orayında sóylesiwler alıp bardı.
Sóylesiwler dawamında organikalıq ónim jetistiriw ushın topıraq quramın úyreniwdiń áhmiyeti, zıyansızlandırıw isleriniń qalay ámelge asırılıwı, fitosanitariyalıq hám ekologiyalıq taza ónim jetistiriwdiń abzallıqları sıyaqlı máseleler dodalandı. GIZ shólkemi wákilleri agroximiyalıq analiz orayı hám agentliktiń fitosanitariyalıq laboratoriyası menen jaqınnan tanıstı.

Qaraqalpaqstan xabar agentligi