Microsoft dástúriy hawa-rayın boljaw sistemalarınan ústin bolǵan jańa Avrora jasalma intellekt modelin jámiyetshilikke usındı. Bul aldınǵı sistema tezlik hám anıqlıq jaǵınan meteorologiyalıq oraylardıń klassikalıq usılların artta qaldıradı.

Avrora modeli aqıllı tallaw usılı texnologiyalarına tiykarlanǵan bolıp, úlken kólemdegi klimat maǵlıwmatların joqarı tezlikte tallaw arqalı anıq hám isenimli hawa-rayı boljawların usınıs ete aladı. Model bir neshe minut ishinde boljawlar dúzip, saatlap dawam etetuǵın dástúriy superkompyuter esaplawlarına alternativ sheshim usınıs etedi.
Sistemanıń tiykarǵı abzallıqları:
Real waqıtqa jaqın tezlikte boljaw
Kóp jıllıq meteorologiyalıq maǵlıwmatlar tiykarında boljawlar
Joqarı anıqlıq dárejesi
Energiyanı únemlew hám nátiyjelilik
Avrora modeli tek ǵana kúndelikli hawa-rayı maǵlıwmatları ushın emes, al ayrıqsha jaǵdaylardı erte anıqlaw, awıl xojalıǵı, aviaciya hám energetika tarawlarında da keńnen qollanılıwı múmkin.
Microsoft wákilleriniń atap ótiwinshe, bul texnologiya global kólemde klimat qáwipsizligin támiyinlewde áhmiyetli rol atqaradı. Sonday-aq, jasalma intellekt járdeminde insaniyat klimat ózgerislerine tezirek hám nátiyjelirek tayarlıq kóriwi múmkin boladı.

ÓzA