Islam dúnyası bilimlendiriw, ilim hám mádeniyat shólkemi (ICESCO) bas direktorı Salim bin Muhammad Al-Malik Ózbekstan sırtqı isler ministri Baxtiyor Saidov penen ushırastı. Bul haqqında “Al-Arabiya” basılımı jazǵan.

Sóylesiw dawamında keńeyip baratırǵan birge islesiwdiń jaǵdayı boyınsha hár tárepleme pikir alısıldı. ICESCO tárepinen ámelge asırılıp atırǵan perspektivalı baslamalar, sonıń ishinde, 2025-jıldıń Samarqand qalası Islam dúnyasınıń mádeniyat paytaxtı sıpatında belgilenetuǵını atap ótildi.
“Islam dúnyasınıń mádeniy miyrası: kalligrafiya, muzıka, poeziya hám awızbirshilik” atamasındaǵı konferenciyada joqarı dárejedegi rásmiyler, sonıń ishinde, ICESCO quramındaǵı mámleketlerdiń mádeniyat ministrleri, xalıqaralıq shólkemler hám mákemelerdiń juwapkerleri qatnasatuǵını atap ótildi.
Usı múnásibet penen ICESCO Bas direktorı doktor Salim bin Muhammad Al-Malik bir jıl dawamında ICESCO tárepinen respublikamızdıń tiyisli ministrlikleri, uyımları menen birgelikte shólkemlestiriletuǵın bay, ráńbáreń baǵdarlamalar, ilajlar shólkemlestiriliwi, baslamalar alǵa qoyılıwına itibar qarattı. Bul háreketler qalanıń biytákirar mádeniy-tariyxıy miyrasın tanıstırıw, islam dúnyası civilizaciyasındaǵı jetekshilik rolin jáne bir márte tastıyıqlawdan ibarat.

Muharrama Pirmatova, ÓzA