Moynaq rayonında úsh kún dawam etken “Rally Muynak – 2025” avtoralli boyınsha Ózbekstan chempionatınıń jeńimpazların sıylıqlaw máresimi bolıp ótti.

Elimizdiń túrli múyeshlerinen hám sırt elden kelgen sportshılar eki kategoriyadaǵı avtomobillerde – dvigatel kólemi 1600 sm3ge shekemgi “A-8” hám dvigatel kólemi 2000 sm3ge shekemgi “A-9” klassları boyınsha bellesti. Sonday-aq, dvigatel kólemi 2000 sm3ge shekemgi “Baggi” hám dvigatel kólemi 125 sm3ge shekemgi hám 500 sm3ge shekemgi motocikllerde jarıslar da shólkemlestirildi. Avtomotosport jarıslarında 120 dan aslam avtomotosport sheberi, sonnan 40 tan aslam avtomobil, 25 ten aslam motocikl hám 15 ten aslam “Baggi” qatnastı.
Jarıs juwmaǵında dvigatel kólemi 1600 sm3ge shekemgi “A-8” klası boyınsha birinshi orındı Namangan wálayatınan Temur Narziqulov, Aziz Turopov, ekinshi orındı Samarqand wálayatınan Fikrat Axtamov, Firuz Jumaev, úshinshi orındı usı wálayattan Ilhom Obidjanov, Vladimir Minin iyeledi. Dvigatel kólemi 2000 sm3ge shekemgi “A-9” klası boyınsha Buxara wálayatınan Rashid Murodov hám Qilich Narziqulov birinshi, Qashqadárya wálayatınan Umid Toshpulatov hám Jasur Temirov ekinshi, Tashkent qalasınan Rustam Muhamedov hám Elyor Rahmonov úshinshi orınlardı iyeledi. “Baggi” boyınsha Jizzaq wálayatınan Xurshid Ǵaniev, Sırdárya wálayatınan Ravshan Qobilov, Ándijan wálayatınan Ilham Ahmedov sıylı orınlardı iyeledi.
Sonday-aq, dvigatel kólemi 125 sm3ge shekemgi motocikller boyınsha Nawayı wálayatınan Bagdan Saturyan, Buxara wálayatınan Bekzod Xalimbaev, Qaraqalpaqstan Respublikasınan Begarıs Aytbaev, dvigatel kólemi 500 sm3ge shekemgi motocikller boyınsha Buxara wálayatınan Jasurbek Samatov, usı wálayattan Baxtiyor Ahmedov hám Nawayı wálayatınan Adham Temirovlar sıylı orındı iyeledi.
“Rally Muynak – 2025” avtomoto sport jarıslarınıń jeńimpazları Ózbekstan Respublikası Prezidentiniń sıylıqları menen sıylıqlandı. Sonday-aq, jeńimpazlarǵa, trenerler hám tóreshilerge Ózbekstan Respublikası qorǵanıwǵa kómeklesiwshi “Vatanparvar” shólkeminiń Oraylıq keńesi, Turizm komiteti, Qaraqalpaqstan Respublikası Joqarǵı Keńesi hám Ministrler Keńesiniń estelik sawǵaları tapsırıldı.

Qaraqalpaqstan xabar agentligi