Sonıń menen birge, mámleketimizde jılına 100 tonnadan aslam altın qazıp alınıp atırǵanı menen imkaniyatlardıń onnan biri de iske qosılmay atırǵanı atap ótildi.

Tarawda «jasırın» ekonomikanıń úlesi joqarı ekeni kórsetip ótildi. Jılına 550-600 million dollarlıq buyımlar rásmiy emes altın bazarlarında aylanbaqta. Yamasa, biyǵárez izlewshiler 2020-jılı 40 kilogramm altın tapsırǵan bolsa, ótken jılı bul 100 esege azayǵan.
Májiliste tarawdı «sayadan» shıǵarıw ushın jeke tártiptegi isbilermenlerge de altın buyımları menen sawda etiwge ruqsat beriw, zergerlikte milliy brend jaratıw ushın sırt elden dizayner, texnolog, qımbat bahalı taslar menen isleytuǵın gemmologlardı alıp keliw qárejetiniń bir bólegin qaplaw boyınsha usınıslar bildirildi.
Mámleketimiz basshısı bul usınıstı maqulladı.

Qaraqalpaqstan xabar agentligi