Shomanay rayonında “Insan” sociallıq xızmetler orayınıń Qaraqalpaqstan Respublikası basqarması tárepinen tastıyıqlanǵan reje tiykarında Birleshik APJ puqaraları ushın kóshpeli qabıllaw ótkerildi.

Qabıllawǵa, rayonlıq “Insan” sociallıq xızmetler orayınıń direktorı B.Jumataev, “Birleshik” awıl puqaralar jıyınınıń máhálle jetiligi hám oray qánigeleri qatnasıp, sociallıq qorǵawǵa mútáj puqaralardıń mashqalaları tıńlandı.
Puqaralar tiykarınan kem támiyinlengen shańaraqlarǵa balalar napaqası hám materiallıq járdemlerdi tólew, tayınlaw hám tólew tártibi tuwralı maǵlıwmatlar berdi. Mayıplıǵı bar insanlar protez ortopediya buyımları hám reabilitaciyalaw texnikalıq úskeneleri menen támiyinlew máseleleri boyınsha múrájat etti.
Qabıllaw dawamında 9 múrájatqa sol orınnıń ózinde unamlı sheshim tabılıp, sonnan, 1 reabilitaciyalaw texnikalıq úskenesi menen támiyinlew, 1 mayıplıǵı bolǵan insanǵa úyde qarap otırǵanlıǵı ushın miynet stajın júrgiziw boyınsha, 3 puqaraǵa sanatoriya ushın jollama alıwǵa, 4 shańaraqqa balalar napaqası hám materiallıq járdem pulı máselesi boyınsha járdem berildi.

Qaraqalpaqstan xabar agentligi