Búgin Lyublyanadaǵı Kongress maydanında Sloveniya Respublikasına rásmiy sapar menen kelgen Ózbekstan Respublikası Prezidenti Shavkat Mirziyoevti rásmiy kútip alıw máresimi bolıp ótti.

Mámleketimiz basshısın Sloveniya Prezidenti Natasha Pirc Musar kútip aldı. Joqarı mártebeli miyman húrmetine húrmetli qarawıl saplandı. Áskeriy orkestr Ózbekstan hám Sloveniya mámleketi gimnlerin atqardı.
Eki mámleket basshıları húrmetli qarawıl qatarınıń aldınnan ótip, rásmiy delegaciyalar aǵzaları menen sálemlesti.
Rásmiy máresimnen soń «Zvezda» baǵında urıs qurbanlarınıń esteligine húrmet hám tınıshlıq hám adamgershilik ideyalarına sadıqlıq belgisi sıpatında Barlıq urıslar qurbanları esteligine gúl qoyıldı.

ÓzA