Prezidentimizdiń tapsırmasına tiykarlanıp xalıqtıń pikir-usınısların esapqa alǵan halda, avtomobil jollarında háreketleniw tártibin bunnan bılay da jetilistiriw, aydawshılarǵa qosımsha qolaylıqlar jaratıw hám olardı qıynap kiyatırǵan mashqalalardı saplastırıwǵa qaratılǵan Húkimet qararı qabıl etildi.
Qararǵa muwapıq, usı jıl 1-iyunnan baslap jol sızıqların basıp ótip qaǵıydabuzarlıq islew jaǵdayların arnawlı avtomatlastırılǵan foto hám video dizimge alıw programmalıq-texnikalıq quralları arqalı dizimge alıwǵa jol qoyılmaydı. Toqtaw sızıǵı – “stop-liniya” (5.33 jol belgisi) buǵan kirmeydi.
Yaǵnıy, aydawshı sızıqtı basıp ótse, bul qaǵıydabuzarlıq fotoradar yamasa videokamera arqalı belgilenbeydi, demek, avtomat túrde járiyma jazılmaydı. Biraq, JPX xızmetkeri tárepinen anıqlanǵanda, qaǵıydabuzarlıq belgilengen tártipte rásmiylestiriledi.