Jasalma intellekt járdemshisi ChatGPT dúnya kóleminde eń kóp múrájat etiletuǵın veb-saytlar diziminde besinshi orındı iyeledi.
Sırt el ǵalaba xabar qurallarına súyenip, “AzerTAJ”dıń jazıwınsha, paydalanıwshılardıń ChatGPT veb-saytında ótkergen ortasha waqtı 7 minut 15 sekundtı quraydı. Bir ret kirgende ortasha 4,15 bet kórilgen. Birinshi betten soń sayttan shıqqan oqıwshılar úlesi 29,59 procent.
Reytingte birinshi orındı ” Google ” izlew sisteması iyelep tur: ortasha dawamlılıq 10 minut 31 sekund, bir retke 8,91 bet. Sistemadan dárhal shıǵıp ketkenler 26,57 procent.
” YouTube ” ekinshi eń belgili veb-sayt sıpatında seanstıń ortasha 20 minut 18 sekund dawamlılıǵın támiyinlegen. Ortasha 13,15 bet oqilgan. 20,49 procent múrájat etiwshi dáslepki betten-aq kiriw mánzilin ózgertken.
” Facebook ” hám ” Instagram ” da qosılǵan TOP-3 sociallıq tarmaq reytinginde paydalanıwshılardıń ortasha qalıw waqtı sáykes túrde 10 minut 42 sekund hám 8 minut 37 sekund.
ÓzA