Sırt el investorların tartıw arqalı ekonomikalıq baylanıslardı bekkemlew hám rawajlandırıw, mámleketimizdiń baslı reformalarınıń biri. Sonlıqtan da bul baǵdarda orınlarda keń kólemli jumıslar alıp barılmaqta.

Nókis rayonı hákimi Z.Zaytov Italiya mámleketiniń «MG Tanneru» injiniring kompaniyası wákillerin qabılladı.
Ushırasıw barısında sırt elden kelgen investorlar menen Nókis rayonı aymaǵında teri hám bılǵarı ayaq kiyim ónimleriniń úskenlerin islep shıǵarıw, awısıq bóleklerdi jetkerip hám jáne bir qatar baǵdarlarda birge islesiw perspektivaları dodalandı.
Sóylesiwler dawamında rayon hákimi Z.Zaytov rayonda sanaat islep shıǵarıw jumısların keńeytiw hám qayta islew kárxanalarınıń jumısların jolǵa qoyıw, eń baslısı, jańa joybarlardıń iske túsiriliwi nátiyjesinde jumıs orınların jaratıwǵa qaratılǵan hár qanday baslamalardı qollap-quwatlawǵa tayar ekenligin bildirdi.

Qaraqalpaqstan xabar agentligi