Ózbekstan Respublikası Prezidentiniń 2022-jıl 11-maydaǵı “2022-2026-jıllarda xalıq bilimlendiriwin rawajlandırıw boyınsha Milliy baǵdarlamanı tastıyıqlaw haqqında”ǵı pármanında belgilengen mektep bilimlendiriwin rawajlandırıwǵa qaratılǵan wazıypalardıń orınlanıwın támiyinlew maqsetinde Qaraqalpaqstan Respublikası Pedagogikalıq sheberlik orayı tárepinen rejeli túrde pedagoglarǵa úzliksiz metodikalıq járdemler kórsetip barıw belgilengen.

Usı maqsette oraydıń social-ekonomikalıq pánler metodikası kafedrası professor-oqıtıwshıları tárepinen Shımbay rayonındaǵı ulıwma bilim beriw mákemeleriniń muǵallimleri ushın “Jańa metodikalar bilimlendiriwdiń sapasın arttırıwdıń áhmiyetli faktorı” atamasında qısqa múddetli kóshpeli kurs shólkemlestirildi.
Kóshpeli kurs ámeliy-seminar tárizinde ótkerildi.
Kurstıń maqseti – oqıw-tárbiya procesin innovaciyalıq kózqaraslar menen bayıtıw, muǵallimlerdiń kásiplik potencialın arttırıw hám bilimlendiriwdiń sapasın jańa basqıshqa alıp shıǵıwdan ibarat.
Kurs dawamında klasstı basqarıw hám oqıwshılar menen unamlı qatnasıq ornatıw, sorawlar beriw hám sın pikirlew kónlikpelerin rawajlandırıw, joybarǵa tiykarlanǵan bilimlendiriw, oqıwshılardıń bilim, kónlikpe hám uqıplılıqların bahalawda zamanagóy qatnas, sabaqtı rejelestiriw hám maqsetlerin durıs qoyıw temaları úyrenildi.
Qatnasıwshılar zamanagóy pedagogikalıq texnologiyalar, Kembridj oqıtıw sistemasına tiykarlanǵan innovaciyalıq metodlardı ámeliyatqa engiziw boyınsha bilim hám kónlikpelerin bekkemlew imkaniyatına iye boldı.

Qaraqalpaqstan xabar agentligi