Prezident Shavkat Mirziyoevtiń basshılıǵında mektep bilimlendiriwi sistemasındaǵı reformalardıń nátiyjeliligin jáne de arttırıw hám keleshektegi tiykarǵı wazıypalar boyınsha videoselektor májilisi dawam etpekte.

Házirgi waqıtta 7-11-klass oqıwshıları kúnine 8 saatqa shekem waqıtın telefonda sociallıq tarmaqlarda ótkerip atırǵanı mektep direktorı hám muǵallimdi de, ata-analardı da oylandırıwı zárúr ekenligi atap ótildi.
Wálayatlarda, ásirese, Namanganda oqıwshılarǵa avtomobildi ijaraǵa beriw háwij alǵanı aqıbetinde, hár ayda 10-15 jas mayıp bolıp qalmaqta. Ólim menen juwmaqlanıp atırǵan jaǵdaylar da kóp.
Ishki isler baslıqları, wálayat, rayon prokurorları nızam ústinligin támiyinlewde nemquraydılıqqa jol qoyıp atırǵanı kórsetip ótildi.
Usı múnásibet penen balalarǵa mashinanı basqarıwdı bergenligi ushın juwapkershilikti kúsheytiw boyınsha nızam joybarın tayarlaw tapsırıldı.
– Biz mektepke shekemgi hám mektep bilimlendiriwi sistemasında úlken ózgeris isley aldıq. Biraq, ele sheshimin kútip atırǵan kóplegen mashqalalar bar,-dedi mámleketimiz basshısı.
Mektepke shekemgi hám mektep bilimlendiriwi ministrligine pútkil sisteması menen “ayrıqsha toqsan kúnlik” tártibinde islewge ótiw tapsırıldı.

ÓzA