Prezident Shavkat Mirziyoevtiń basshılıǵında mektep bilimlendiriwi sistemasındaǵı reformalardıń nátiyjeliligin jáne de arttırıw hám keleshektegi tiykarǵı wazıypalar boyınsha videoselektor májilisi dawam etpekte.

Mámleketimiz basshısı tarawdaǵı bar mashqalalarǵa toqtap ótti.
Bilimlendiriw baǵdarlamaları eń aldınǵı mámleketlerdiń tájiriybesine beyimlestirilmekte, sabaqlıqlar jańalanbaqta, mekteplerge zamanagóy úskeneler alıp berilmekte.
Biraq sistemadaǵı muǵallimlerdiń jańa metodikalardı ózlestiriwi, bilimlendiriwdiń sapasın támiyinlew dárejesi soraw astında.
Máselen, eki jıl aldın kategoriya beriw sisteması ashıq-aydın, sanlastırılǵan platformaǵa ótkeni haqıyqıy jaǵdaydı kórsetti.
Sonıń ishinde, ótken jılı 341 mıń muǵallim jańa sistema tiykarında kategoriyaǵa tapsırǵan bolsa, sonnan 102 mıńı imtixannan óte almaǵanı atap ótildi.
Jumısqa qabıl etiwde diplomǵa qarap emes, bilim hám mamanlıqtı bahalaw sistemasına ótildi. Bul jańa sistema arqalı imtixan etilgen 13 mıń talabannan 6 mıńınıń bilimi qanaatlandırarsız bolǵanı ushın jumısqa kire almadı.
Yamasa 61 jeke menshik joqarı oqıw ornında pedagog-kadrlar oqıtılıp atırǵanı menen hesh birinde ximiya, biologiya hám fizika boyınsha muǵallim tayarlanbaydı.

ÓzA