Aldın xabar berilgenindey, parlament tómengi palatasınıń gezektegi «Húkimet saatı»nda dene tárbiya hám sporttı ǵalaba en jaydırıw baǵdarında ámelge asırılıp atırǵan jumıslar boyınsha deputatlardıń sorawlarına sport ministri Adham Ikromov juwap berdi.

Sóylesiwlerde deputat S.Azimov tarawda korrupciyanıń aldın alıw boyınsha qanday ilajlar kórilip atırǵanı menen qızıqtı. Oǵan juwap retinde ministr tómendegilerdi atap ótti:
– Korrupciyaǵa qarsı eń jaqsı qural sanlastırıw bolıp esaplanadı. Bul tarawda taraw shólkemlerinde sistemalı jumıslar islendi. Sonıń ishinde, ministrlik janında «Sanlatsırıw hám sertifakatlaw orayı»nıń jumısı jolǵa qoyılıp, sońǵı úsh jılda 24 baǵdardaǵı málimleme sistemaların ózinde birlestirgen “ERP-Sport” birden-bir elektron platforması iske qosılǵan.
Sport pasportların beriwde de bir ayna arqalı, insan faktorısız beriw jolǵa qoyıldı.
Tarawda múnásip miynet haqı bolıwı kerek. Bul baǵdarda da belgili jumıslar islenbekte. Jaqsı trenerlerimiz 4,5 millionnan 10-11 millionǵa shekem aylıq aladı. Awıl, rayon sharayatında bul jaqsı nátiyje. Múnásip miynet haqı, múnásip xoshametlew korrupciyanıń aldın aladı, álbette. 21 ministrlik arasında Sport ministrligi korrupciyaǵa qarsı gúresiw boyınsha reytingte 4-orında turadı. Ministrligimiz korrupciyadan jıraq shólkemler arasında eń jaqsı kórsetkishler menen kóterilmekte, – dedi ministr.

Muhtarama Komilova, ÓzA