Ózbekstan Respublikasınıń “Mámleketlik qáwipsizlik xızmeti haqqında”ǵı Nızamına muwapıq, MQX wákilliklerine kirgizilgen máseleler boyınsha fizikalıq hám yuridikalıq táreplerdiń múrájatların jedel túrde qabıl etiw maqsetinde Sall-oray jumıs basladı.

Sall-orayǵa 1520 qısqa nomeri arqalı qońıraw etiw múmkin.
Atap aytqanda, tómendegi máseleler boyınsha múrájatlar qabıl etiledi:
– Ózbekstan Respublikasınıń konstituciyalıq dúzimi, suvereniteti hám aymaqlıq pútinligine bolǵan hújimler haqqında;
– Mámleket shegarasınıń qorǵalıwı hám qorǵalıwına bolatuǵın qáwipler;
– Qurallı Kúshler hám qorǵaw-sanaat kompleksinde mámleket qáwipsizligine bolatuǵın qáwipler;
– terrorizm, ekstremizm, shólkemlesken jınayıy toparlarǵa tiyisli;
– qural-jaraq, náshebentlik quralları hám psixotrop zatlardıń nızamsız aylanısına baylanıslı jınayatlar haqqında;
– mámleket máplerine qáwip tuwdıratuǵın korrupciya hám ekonomikalıq jınayatlar boyınsha;
– milliy, etnikalıq hám diniy qarama-qarsılıqtı úgit-násiyatlaw;
– mámleket mápleri hám qáwipsizligine qáwip tuwdırıwshı huqıqbuzarlıqlardıń isleniwine baylanıslı basqa da maǵlıwmatlar.
Sonıń menen birge, Jınayat-processuallıq kodekstiń 345-statyasında belgilep qoyılǵan hám tergewi MQX wákilligine kirgizilgen Jınayat kodeksiniń 150-163, 182, 223, 246-statyalarında názerde tutılǵan jınayatlarǵa baylanıslı máseleler boyınsha múrájatlar qabıl etiledi.
Múrájat etken puqaralardıń shaxsı sır saqlanıwı kepillenedi.
Húrmetli puqaralar, esletip ótemiz “Fizikalıq hám yuridikalıq táreplerdiń múrájatları haqqında”ǵı Nızamnıń 38-statyasına tiykarlanıp, usı nızamdı buzıw, sonday-aq, jala hám aqıretlewden ibarat múrájat bergeni belgilengen tártipte juwapkershilikke sebep boladı.
Áziz watanlaslar átirapıńızda bolıp atırǵan nızambuzıwshılıqlarǵa biypárwa bolmań, 1520 nomerine qońıraw etiń!
Umıtpań! Watanımızdıń tınıshlıǵı hám tatıwlıǵın saqlawda hár bir puqaranıń qatnasıwı áhmiyetli esaplanadı.

ÓzA