Milliy medicina orayında zamanagóy neyroxirurgiyalıq robot – “B Remebot” járdeminde Ózbekstanda birinshi márte bas miy aymaǵınan biopsiya alıw operaciyası tabıslı ámelge asırıldı.

Bul innovaciyalıq texnologiya arqalı ótkerilgen operaciya joqarı anıqlıq, minimal zıyan hám nawqastıń densawlıǵına eń az qáwip penen orınlandı. Robot miy toqımalarınan analiz ushın zárúr úlgilerdi anıq hám qáwipsiz túrde alıw imkaniyatın berdi.
Oray qánigeleriniń sózlerine bola, “B Remebot” robotı járdeminde endi miy óspelerin anıqlaw hám alıp taslaw, Epilepsiya hám Parkinson keselligin emlew, miy qan tamır kesellikleri, jaraqatlar hám quramalı diagnozlardı anıqlaw múmkin boladı. Bul, neyroxirurgiya tarawında úlken qádem bolıp, nawqaslar ushın jańa imkaniyat bolıp esaplanadı.

Mohigul Qosimova, ÓzA