Prezidenttiń usı jıl 17-yanvardaǵı PQ-12-sanlı qararı menen 2025-2026-jıllarda Qaraqalpaqstan, wálayatlar hám Tashkent qalasında mikrosanaat orayların qurıw joybarlarınıń mánzilli dizimi tastıyıqlanǵan edi.

Húkimettiń jaqında qabıl etilgen 308-sanlı qararı menen mikrosanaat orayları ushın jer uchastkaların ajıratıw hám olarda isbilermenlik subektlerin jaylastırıw tártibi islep shıǵılǵan.
Mikrosanaat orayları aymaqlardıń qánigelesiwi hám isbilermenlik dástúrleri (aymaqlardıń drayveri), joqarı dáramatlı jumıs orınların jaratıw, sonday-aq, sırt mámleketlerdiń (Qıtay, Qubla Koreya, Túrkiya) tájiriybesin esapqa alǵan halda islep shıǵılatuǵın ayrıqsha koncepciya tiykarında qurılatuǵını belgilendi.
Mikrosanaat oraylarında ónermentshilik, tigiwshilik, ayaq kiyim, konditerlik hám basqa da isbilermenlik jumısı túrleri menen shuǵıllanatuǵın kishi hám orta isbilermenlik subektleri jaylastırıladı.
Mikrosanaat oraylarına óndirislerdi jaylastırıwda tábiyǵıy gazge alternativ bolǵan janılǵı túrlerinen hám energiya únemlewshi texnologiyalardan (geliokollektor, ıssılıq nasosı, quyash panelleri, ıssılıqtı qayta tiklew-rekuperciyalaw hám basqalar) paydalanıwǵa ústinlik beriledi.
Mikrosanaat orayların qurıw ushın jer uchastkaları intaker jumıstı bólip alıp islewshi shólkemlerge elektron onlayn-aukcion sawdaları arqalı satıladı.
Hújjet penen Aymaqlarda mikrosanaat orayların qurıw hám olarǵa kishi hám orta isbilermenlik subektlerin jaylastırıw boyınsha jumısshı toparlardıń úlgi quramı tastıyıqlandı,-dep málimleme beredi xabar.uz saytı.

Qaraqalpaqstan xabar agentligi