Xabar berilgenindey, Ózbekstan Jurnalistler awqamı tárepinen «Altın qálem» XIX Milliy sıylıǵı ushın xalıqaralıq tańlaw járiyalandı.

Tańlaw 5 tiykarǵı nominaciya – televidenie, radio, baspa basılımlar, internet basılımları hám «Sırt el jurnalistiniń Ózbekstan haqqındaǵı eń jaqsı materialı ushın» baǵdarları boyınsha ótkeriledi.
Sonday-aq, tańlawda tómendegi xoshametlewshi nominaciyalar engiziledi:
1. «Qorshaǵan ortalıqtı qorǵaw hám «jasıl» ekonomikanı úgit-násiyatlawshı eń jaqsı materiallar ushın»
2. «Mámleketlik tildi rawajlandırıw, abırayın jáne de arttırıwǵa baǵıshlanǵan eń jaqsı analitikalıq materiallar»
3. «Jaslar turmısına baylanıslı eń jaqsı materiallar ushın»
4. «ǴXQda járiyalanǵan eń jaqsı milliy kontent (materiallar) ushın»
5. «Áhmiyetli temadaǵı eń jaqsı sın kózqarastaǵı-analitikalıq materiallar ushın»
6. «Publicistikalıq janrdaǵı eń jaqsı kitap ushın»
7. «Sport tarawı sáwlelendirilgen eń jaqsı materiallar ushın»
8. «Puqaralıq jámiyeti institutları jumısına baǵıshlanǵan eń jaqsı materiallar ushın»
9. «Eń jaqsı fotoreportaj ushın»
10. «Shańaraq hám máhálleniń birge islesiwi boyınsha eń jaqsı jarıtılǵan materialları ushın»
11. «Tálim-tárbiya tarawındaǵı reformalar jarıtılǵan eń jaqsı materiallar ushın»
12. «Ulıwma milliy tınıshlıqtı úgit-násiyatlaw hám bekkemlewge qaratılǵan eń jaqsı materiallar ushın»
Tańlawdıń xoshametlewshi 12 nominaciyası jeńimpazları diplom, «Altın qálem» statuetkası hám bazalıq esaplawdıń 100 esesi muǵdarında aqshalay sıylıq penen sıylıqlanadı.
Tańlawda hár bir qatnasıwshınıń 2024-jıl 30-aprelden 2025-jıl 30-aprelge shekem baspa hám internet basılımlarında járiyalanǵan, radio hám televideniede efirge jiberilgen 5 ewden 7 ewge shekem materialları kórip shıǵıladı.
«Publicistikalıq janrdaǵı eń jaqsı kitap ushın» xoshametlewshi nominaciyası boyınsha tańlawda qatnasıw tileginde bolǵanlar Ózbekstan Jurnalistler awqamına kitabınan bir dana beredi.
Esletpe: tańlaw tóreshiler kollegiyasınıń usınısı menen xoshametlewshi nominaciyalardıń atı ózgeriwi múmkin.

ÓzA