Ózbekstan Respublikası Ministrler Kabinetiniń 2013-jıldaǵı tiyisli qararı menen ambulator emleniwde dári-dármaqlar menen jeńilletilgen támiyinleniw huqıqına iye bolǵan 14 kategoriyadaǵı shaxslardıń dizimi belgilengen.

2025-jıldıń birinshi shereginde bul dizimdegi shaxslarǵa “Dori-darmon” akcionerlik kompaniyası hám onıń sistemasındaǵı jámiyetlerge qaraslı dárixanalar arqalı 7 milliard 446 million sumnan aslam dári-dármaqlar hám medicinalıq buyımlar biypul berilgen.
Bunnan tısqarı, usı dáwir dawamında kompaniya hám onıń sistemasındaǵı jámiyetlerdiń reimbursaciya baǵdarlamasına jalǵanǵan dárixanalar arqalı jámi 1 milliard 278 million sumlıq dári-dármaqlar nawqaslarǵa elektron recept arqalı biypul jetkerildi.
Maǵlıwmat ushın, reimbursaciya baǵdarlaması sheńberinde gipertoniya hám júrek ishemik keselligi, qantlı diabettiń 2-túri, bronxial astma, ókpeniń sozılmalı obstruktiv keselligi menen dispanser qadaǵalawında turǵan nawqaslar shańaraqlıq shıpakerlerge múrájat etip, elektron recept tiykarında dárixanalardan 27 túrdegi dárilerdi biypul alıwı múmkin.

ÓzA