Shımbay rayonında 15-may-«Xalıqaralıq shańaraq kúni» múnásibeti menen «Jańa Ózbekstannıń úlgili shańaraǵı» atamasındaǵı tańlawdıń rayonlıq basqıshı bolıp ótti.

Tańlawda rayon aymaqlarınan kelgen úlgili shańaraqlar belgilengen 3 shárt boyınsha óz-ara bellesti. Qızıqlı ótken jarıs sońında, Gúlistan mákan puqaralar jıyınında jasawshı Baxtıbay Nzanovtıń shańaraǵı birinshi orındı iyelep, tańlawdıń Qaraqalpaqstan Respublikası basqıshına jollamanı qolǵa kirgiziwge miyasar boldı.
Al, sıylı ekinshi hám úshinshi orınlar Gújimli elatınan Ibragimov hám Berdaq mákan puqaralar jıyınınan Xojamkulovlardıń shańaraqlarına nesip etti.
Tańlaw sońında jeńimpazlar rayon hákimligi tárepinen tayarlanǵan diplom hám bahalı sawǵalar menen sıylıqlandı.
-Jarıs oǵada qızıqlı ótti, -deydi tańlaw jeńimpazı Gúlayım Gapuova.-Onda ómirlik joldasım Baxtıbay hám ul-qızlarımız benen óz ónerlerimizdi kórsetip, xalıq alǵısına miyasar boldıq hám birinshi orındı iyelewge eristik. Nesip etse, aldaǵı waqıtları tańlawdıń respublikalıq basqıshında jeńimpaz bolıwǵa háreket etemiz.

Adilbay Orazov,
Qaraqalpaqstan xabar agentligi sholıwshısı.