Ózbekstan Respublikası Prezidenti Shavkat Mirziyoev 13-may kúni Evropa Awqamınıń Oraylıq Aziya boyınsha arnawlı wákili Eduards Stipraystı qabılladı.
EAnıń arnawlı wákili Evropa Keńesi Prezidenti Antoniu Koshta hám Evrokomissiya Prezidenti Ursula fon der Lyaenniń sálemi hám eń jaqsı tileklerin jetkerdi.
Usı jıldıń aprel ayında Samarqand qalasında ótken “Oraylıq Aziya – Evropa Awqamı” birinshi sammitinde qabıl etilgen qararlardı ámelge asırıw sheńberinde eki tárepleme hám regionallıq birge islesiwdi keńeytiw máseleleri dodalandı.
Investiciyalıq hám finanslıq-texnikalıq birge islesiw boyınsha ulıwma bahası 12 milliard evro muǵdarında anıq joybarlardı tez pursatta tayarlaw hám alǵa qoyıwǵa ayrıqsha itibar qaratıldı.
Regionallıq kún tártibindegi áhmiyetli máseleler boyınsha pikir alısıldı, sonday-aq, bolajaq ilajlar rejesi kórip shıǵıldı.
ÓzA