Tegeranda Ózbekstan, Qıtay, Qazaqstan, Túrkmenstan, Iran hám Túrkiya mámleketleriniń temir jol tarawı wákilleri ushırasıp, Evroaziya transport koridorın rawajlandırıw boyınsha sóylesiw alıp bardı.

Sóylesiw dawamında Qıtay – Qazaqstan – Ózbekstan – Túrkmenstan – Iran – Túrkiya – Evropa jónelisi boyınsha nátiyjeli hám turaqlı transport koridorın qurıw máselesi dıqqat orayında boldı.
Bunday birge islesiw tek ǵana regionallıq baylanıslardı bekkemlew emes, al global logistika shınjırın bekkemlew imkaniyatın beredi. Máselen, usı jıldıń yanvar-aprel aylarında Qazaqstan aymaǵı arqalı ótken Qıtay – Iran jónelisinde konteyner tasıw páti 2,6 esege artqan.
Ushırasıw juwmaǵında tárepler usı baǵdardaǵı sheriklikti jáne de jedellestiriw, logistika procesin muwapıqlastırıw, regionallıq koridorlardı xalıqaralıq bazarlarǵa shıǵıw kózqarasınan alǵa qoyıw boyınsha ulıwma háreketlerdi jedellestiriwge kelisip aldı.

M.Sayfullaev, ÓzA