Alenka Suxadolnik Sloveniyanıń Ózbekstandaǵı jańa elshisi etip tayınlandı. Bul haqqında Ózbekstan Sırtqı isler ministri Baxtiyor Saidov Telegram kanalında málim etti, dep xabar beredi xs.uz.

SIM basshısınıń jazıwınsha, búgin 12-may kúni ol jańadan tayınlanǵan elshi Alenka Suxadolnikten isenim jarlıqların qabıl etken.
“Onıń bul lawazımǵa tayınlanıwı mámleketlerimiz arasındaǵı kóp qırlı eki tárepleme qatnasıqlardı keńeytiw jolında xızmet etetuǵınına isenemiz. Álbette, birge islesiwimizdi jáne de arttırıw ushın úlken imkaniyatlar bar,” deydi Saidov.
Ministrdiń qosımsha etiwinshe, eki tárepleme qatnasıqlardıń 2025-jılǵı kún tártibi bay hám júdá perspektivalı. Túrli tarawlarda baylanıslardı bekkemlew bolsa tiykarǵı wazıypa bolıp esaplanadı.

Qaraqalpaqstan xabar agentligi